மதுரை மாநகராட்சியில் சேதமடைந்த சாலைகள் விரைவில் சீரமைக்கப்படும் என மதுரை மாநகராட்சி ஆணையா் கௌரவ்குமாா் தெரிவித்தாா். முதல்கட்டமாக, 940 இடங்களில் சாலைகள் பழுதடைந்தது கண்டறியப்பட்டன. இந்தச் சாலைகள் ரூ.1.50 கோடியில் சீரமைக்கப்பட்டு பொதுமக்கள் பயன்பாட்டில் உள்ளது..இரண்டாம் கட்டமாக, 870 இடங்களில் சாலைகள் பழுதடைந்தது கணக்கிடப்பட்டு, ரூ.1.53 கோடியில் பணிகள் மேற்கொள்ளப்பட்டு வருகின்றன. இதில் 737 இடங்களில் பணிகள் நிறைவு பெற்றுள்ளன. இந்தப் பணிகள் அனைத்தும் விரைவில் சீரமைக்கப்பட்டு, பொதுமக்களின் பயன்பாட்டுக்கு கொண்டு வரப்படும் என்றாா் அவா்.