పట్టణంలో నంబరు ప్లేట్లు లేని వాహనాలపై పోలీసులు ఉక్కుపాదం మోపుతున్నారు. ఆదివారం పట్టణ పోలీసులు, ట్రాఫిక్ పోలీసులు ముమ్మరంగా తనిఖీలు నిర్వహించారు. చైన్స్నాచింగ్ వంటి నేరాలకు పాల్పడే అసాంఘిక శక్తులు తప్పుడు నంబరు ప్లేట్లు వినియోగించడాన్ని కట్టడి చేయడంతో పాటు విరిగిపోయిన, అస్పష్టంగా ఉన్న వాహనాల నంబరు ప్లేట్ల వాడకాన్ని నియంత్రించడమే ఈ తనిఖీ ప్రధాన ఉద్దేశమని పోలీసులు చెబుతున్నారు. పట్టణంలోని పలు ప్రాంతాల్లో క్షుణ్ణంగా తనిఖీ చేసి నిబంధనలకు విరుద్ధంగా నంబరు ప్లేట్లు అమర్చిన వాహనదారులకు జరిమానాలు విధించారు.