నేటి మారుతున్న పని సంస్కృతిలో ఉద్యోగం అంటే కేవలం ఉదయం నుంచి సాయంత్రం వరకు పనిచేయడం మాత్రమే కాదు. ఐటీ కంపెనీలు, కాల్ సెంటర్లు, ఆసుపత్రులు, ఫ్యాక్టరీలు, భద్రతా సేవలు.. ఇలా అనేక రంగాల్లో వేలాది మంది రాత్రి షిఫ్టుల్లో పనిచేస్తున్నారు. కొందరికి ఇది తప్పనిసరి కాగా, మరికొందరు అదనపు ఆదాయం లేదా ఉద్యోగ సౌలభ్యం కోసం నైట్ షిఫ్టులను ఎంచుకుంటున్నారు. అయితే రాత్రంతా మేల్కొని ఉండటం, పగటిపూట నిద్రపోవడం దీర్ఘకాలంలో ఆరోగ్యంపై ప్రభావం చూపుతుందా?