తమిళనాడులో ఆదివారం (నవంబర్ 22) వరుస రోడ్డు ప్రమాదాలు తీవ్ర విషాదాన్ని నింపాయి. రెండు వేర్వేరు జిల్లాల్లో జరిగిన ప్రమాదాల్లో మొత్తం 11 మంది ప్రాణాలు కోల్పోయారు. తిరుచిరాపల్లి జిల్లాలో వేగంగా వెళ్తున్న కారు అదుపుతప్పి రోడ్డు పక్కన ఉన్న వేప చెట్టును ఢీకొట్టడంతో ఎనిమిది మంది మృతి చెందారు. మరో ఇద్దరు తీవ్రంగా గాయపడ్డారు. అటు తంజావూరు జిల్లాలో లారీ ఢీకొన్న ప్రమాదంలో తల్లి, ఆమె ఇద్దరు కుమారులు దుర్మరణం చెందారు. ఒకే రోజు జరిగిన ఈ రెండు ఘటనలు ఆయా కుటుంబాల్లో తీరని విషాదాన్ని మిగిల్చాయి.