नवी मुंबईतील सानपाडा सेक्टर १८ परिसरात असलेल्या मॅफ्को मार्केटच्या मागील बाजूच्या सप्तशृंगी ऑइल कंपनीच्या गोदामाला रविवारी रात्री भीषण आग लागली. गोदामात मोठ्या प्रमाणावर तेलाचा साठा आणि इतर ज्वलनशील साहित्य असल्याने काही क्षणातच आगीने रौद्ररूप धारण केले. आगीच्या उंचच उंच ज्वाळा आणि काळ्या धुराचे लोट दूरवर दिसत असून, मधूनच स्फोटांचे मोठे आवाज येत असल्याने परिसरात भीतीचे वातावरण पसरले आहे.