వారణాసిలోని కాశీ విశ్వనాథుడి ఆలయ సమీపంలో ఒక చీరల దుకాణం యజమాని వీధికుక్కలకు ఆశ్రయం కల్పించి అందరినీ ఆకట్టుకున్నాడు. దుకాణంలో కస్టమర్ల లాగే హాయిగా నిద్రిస్తున్న కుక్కలను చూసి ఒక ట్రావెల్ వ్లాగర్ వీడియో తీయడంతో ఈ విషయం వెలుగులోకి వచ్చింది. వ్యాపారం కంటే మూగజీవాల రక్షణే ముఖ్యమంటూ ఆయన ఇచ్చిన సమాధానం నెటిజన్లను ఎంతగానో కదిలించింది. వారణాసిలోని కాశీ విశ్వనాథుడి ఆలయ సమీపంలో ఉన్న ఒక చీరల దుకాణం యజమాని నిస్వార్థ సేవ, దయతో లక్షలాది మంది హృదయాలను గెలుచుకున్నారు. ఆయన తన దుకాణంలో వీధి కుక్కలకు ఆశ్రయం కల్పిస్తూ, వాటిని కుటుంబ సభ్యుల్లా చూసుకుంటున్నారు.