నగరంలో పలు చోట్ల బాంబులు పేలుతాయంటూ పోలీసులకు బెదిరింపు మెయిల్ రావడం కలకలం రేపింది. హైదరాబాద్: నగరంలో పలు చోట్ల బాంబులు పేలుతాయంటూ పోలీసులకు బెదిరింపు మెయిల్ రావడం కలకలం రేపింది. 26/11 ఉగ్రదాడి తరహాలో దాడి జరుగుతుందని మెయిల్లో పేర్కొన్నారు. హోటల్ టూరిస్ట్ ప్లాజా వద్ద బాంబు పేలుస్తామంటూ హెచ్చరించారు. జమ్మూకశ్మీర్లో లష్కరే తయిబా టాప్ కమాండర్, మోస్ట్ వాంటెడ్ ఉగ్రవాది లతీఫ్ భట్ హత్యకు ప్రతీకారంగా దాడులు చేస్తామని బెదిరించారు. దీంతో హైదరాబాద్ నగర పోలీసులను స్పెషల్ బ్రాంచ్ పోలీసులు అప్రమత్తం చేశారు. లష్కరే తయిబా పేరుతో మెయిల్ ఎక్కడి నుంచి వచ్చిందనే కోణంలో దర్యాప్తు చేస్తున్నారు.