जवान घटनास्थळी पोहोचले तेव्हा आगीने रौद्ररूप धारण केले होते. तसेच मोठ्या प्रमाणात धूर निर्माण झाला होता. त्यामुळे जवानांनी सर्वप्रथम इमारतीतील रहिवाशांच्या सुरक्षिततेला प्राधान्य दिले. Pune News : कोंढवा येथील भाग्योदयनगर परिसरातील एका चार मजली इमारतीच्या तळमजल्यावरील पार्किंगमध्ये पहाटे भीषण आग लागली. या आगीत १६ दुचाकी, एक तीनचाकी आणि एका चारचाकी वाहनासह एकूण १८ वाहने जळून खाक झाली. आगीमुळे इमारतीतील लिफ्ट आणि इलेक्ट्रिक वायरिंगचेही मोठे नुकसान झाले.