Nagpur News : नागपूरमध्ये एअर शो पाहण्यासाठी नागरिकांनी मोठी गर्दी केली होती. मात्र, अचानक दाटलेल्या ढगांमुळे हवाई प्रात्यक्षिकांचा थरार पाहण्यात अडथळे निर्माण झाले. त्यामुळे नागरिकांचा उत्साह काहीसा कमी झाला, तरीही शो पाहण्यासाठी मोठी गर्दी कायम होती. मात्र, सकाळच्या पावसानंतर दाटलेले ढग आणि धुक्यामुळे हवाई कसरतींचा रंग फिका पडला. सारंग आणि सूर्यकिरण पथकाने प्रात्यक्षिके सादर केली. मात्र, आकाशगंगा पथकाचे पॅराग्लायडिंग होऊ शकले नाही.