लोहा : अत्यंत हलाखीच्या परिस्थितीत कष्टाची कमाई करत, एक-एक रुपया जोडून मुलीच्या लग्नाची स्वप्ने उराशी बाळगणाऱ्या पेनूर येथील एका गरीब कुटुंबावर नियतीने घाला घात. ज्ञानेश्वर गणपती वडे यांच्या घराला शुक्रवारी रोजी सायंकाळी अचानक शॉर्टसर्किटमुळे भीषण आग लागली. काही क्षणांतच आगीने रौद्ररूप धारण केल्याने घरातील संपूर्ण संसारोपयोगी साहित्य, धान्य, कपडे, महत्त्वाच्या वस्तूंसह मुलीच्या लग्नासाठी जमवून ठेवलेली तब्बल २ लाख ६० हजार रुपयांची रोख रक्कम आणि लग्नासाठी आणून ठेवलेला संपूर्ण पसारा आगीत जळून राख.