રાત્રે સર્જાયેલી કરુણાંતિકાને પગલે સ્થાનિક પોલીસ સહીત આર્મીના અધિકારીઓ હોસ્પિટલ દોડી આવ્યા હતા. ભુજથી ખાવડા હાઈવે ફરી વખત રક્તરંજિત બન્યો હતો. શનિવારે રાત્રે ખાવડાથી ભુજ તરફ આવી રહેલી એક કાર અને સામેથી આવતા ટ્રેઈલર વચ્ચે વેકરિયાના રણ વિસ્તારમાં સર્જાયેલા ભીષણ અકસ્માતમાં આર્મી પરિવારના 7 સભ્યોના ઘટનાસ્થળે જ કરુણ મોત નીપજ્યા હતા. શનિવારે રાત્રે આશરે સાડા નવ વાગ્યાના અરસામાં ઉત્તરાખંડ પાસિંગની કાર ખાવડા તરફથી ભુજ આવી રહી હતી.