કચ્છનું નલિયા 11 ડિગ્રી લઘુત્તમ તાપમાન સાથે રાજ્યનું સૌથી ઠંડું શહેર બન્યું છે. જ્યારે ગાંધીનગરમાં 12.3 ડિગ્રી, અમરેલીમાં 12.8 ડિગ્રી અને રાજકોટમાં 13.6 ડિગ્રી તાપમાન નોંધાયું છે. રાજ્યમાં ધીમે ધીમે ઠંડીમાં વધારો થઈ રહ્યો છે. નવેમ્બર મહિનાના અંતિમ દિવસોમાં ઠંડકનો અહેસાસ વધી રહ્યો છે. હવામાન વિભાગના આંકડા મુજબ રાજ્યનાં મોટાભાગનાં શહેરોમાં લઘુત્તમ તાપમાનમાં ઘટાડો નોંધાયો છે. આ ઉપરાંત પોરબંદરમાં 14.1 ડિગ્રી, ડીસામાં 14.8 ડિગ્રી અને વડોદરામાં 15.4 ડિગ્રી લઘુત્તમ તાપમાન રહ્યું છે.