मिसळ ग्राम समजल्या जाणाऱ्या नाशिकमधील मिसळ सेंटरवर अन्न व औषध प्रशासनाने कारवाईची संक्रांत आणली आहे. सातपूर येथील श्याम सुंदर, कॉलेजरोडवरील तुषार, जुन्या गंगापूर नाक्यावरील विहार यासह चार उपहारगृहे आणि एका कॅफेचे परवाने रद्द करण्यात आले आहेत. दोनच दिवसांपूर्वी उपवासासाठी प्रसिद्ध सायंतारावर कारवाई करण्यात आली होती. त्या पाठोपाठ आता मिसळ आणि कॅफेवर कारवाई झाल्याने अन्य खाद्य पदार्थ विक्रेते आणि उपहारगृह चालकांचे धाबे दणाणले आहे.