किशोरी पेडणेकर यांनी मंडपेश्वर शाळेच्या जागेवरून बिल्डरला अभय दिल्याचा आरोप केला. एसआरएच्या पत्रावरून त्यांनी आयुक्तांना सवाल केला आहे. तर प्रदूषण, रस्ते सफाई आणि महायुतीच्या कामकाजावर त्या आक्रमक झाल्या आहेत. मुंबईतील विविध नागरी प्रश्नांवरून शिवसेना (उद्धव बाळासाहेब ठाकरे) पक्षाच्या नेत्या आणि मुंबईच्या माजी महापौर किशोरी पेडणेकर यांनी महापालिका प्रशासनावर जोरदार टीका केली आहे. मंडपेश्वर शाळेच्या जागेचा बिल्डरकडून वापर होत असल्याचा आरोप करत त्यांनी अधिकाऱ्यांच्या कामकाजावर प्रश्नचिन्ह उपस्थित केले.