धुळ्याच्या अपघातग्रस्त भाविकांच्या मदतीला सरकार धावलं आहे. अपघाताच्या घटनेनंतर तातडीने सूत्रे हलवली आहेत. अपघातानंतर मंत्री गिरीश महाजन यांनी अपघाताचा आढावा घेतला आहे. राजस्थानच्या कोटा-उदयपूर महामार्गावर शंभूपुरा गावाजवळ धुळ्यातील भाविकांच्या वाहनांचा भीषण अपघात झाला. या अपघतात 9 जणांचा मृत्यू झाला. यात अनेक जण गंभीर जखमी झाले. यात अत्यंत दुर्दैवी घटनेची माहिती मिळताच आपत्ती व्यवस्थापन मंत्री गिरीश महाजन यांनी महाराष्ट्रातून सूत्रे हलवली. राजस्थानमधील कोटा येथील जिल्हा प्रशासनाशी संपर्क साधत मदतकार्याचा आढावा घेतला.