దక్షిణాదిలో తన కంచుకోటను మరింత విస్తరించుకోవాలని చూస్తున్న బీజేపీ, ఇప్పుడు పూర్తిస్థాయిలో తెలంగాణపై దృష్టి సారించింది. రాష్ట్రంలో అధికార కాంగ్రెస్ పార్టీకి. రాష్ట్రంలో అధికార కాంగ్రెస్ పార్టీకి, ప్రధాన ప్రతిపక్షమైన బీఆర్ఎస్కు దీటైన ప్రత్యామ్నాయంగా ఎదిగేందుకు కమలదళం అగ్రనాయకత్వం పక్కా ప్రణాళికతో అడుగులు వేస్తోంది. ఇటీవలి కాలంలో జాతీయ స్థాయి నేతలు వరుసగా రాష్ట్రంలో పర్యటిస్తుండటం, సంస్థాగత సమీక్షలు నిర్వహించడం చూస్తుంటే, రాబోయే స్థానిక సంస్థల ఎన్నికలు, పట్టభద్రుల ఎమ్మెల్సీ సమరమే లక్ష్యంగా బీజేపీ పావులు కదుపుతున్నట్లు స్పష్టమవుతోంది. ఈ రాజకీయ వేడిని మరింత పెంచుతూ, వచ్చే నెలలో ప్రధాని నరేంద్ర మోడీ తెలంగాణలో పర్యటించబోతున్నారు.