Hyderabad | రేవంత్ రెడ్డి సర్కార్ మరోసారి భూముల వేలానికి సిద్దమైంది. హైదరాబాద్ శివార్లలోని విలువైన భూములను విక్రయించి సుమారు రూ.600 కోట్ల ఆదాయం సమీకరించాలని కాంగ్రెస్ ప్రభుత్వం ప్రణాళిక రూపొందించింది. ఇప్పటికే గత నెలలో ప్రారంభించిన రూ.1,500 కోట్ల భూముల వేలం ప్రక్రియ కొనసాగుతుండగా.. తాజాగా మరిన్ని భూముల విక్రయానికి హెచ్ఎండీఏ నోటిఫికేషన్ విడుదల చేయడం గమనార్హం. కోకాపేట, ముసాపేట, బంజారాహిల్స్లోని హుడా ప్లాట్లు, బాచుపల్లి, ఇన్ముల్ నర్వా తదితర ప్రాంతాల్లో భూముల విక్రయానికి రంగం సిద్ధమైంది. వీటితో పాటు నగరంలోని పలు ప్రాంతాల్లో ఉన్న ఖరీదైన స్థలాలను కూడా వేలం ద్వారా విక్రయించనున్నారు.