पुणे: अन्न व औषध प्रशासनाने (एफडीए) शहरातील कॅन्टोन्मेंट बोर्ड परिसरातील महात्मा गांधी रस्ता आणि अन्य ठिकाणच्या २० हॉटेल्स व रेस्टॉरंटवर छापा मारून तपासणी केली. यामध्ये अन्नसुरक्षा नियमांचे गंभीर उल्लंघन आढळलेल्या आठ हॉटेल्सचे परवाने तातडीने निलंबित करण्यात आले. या वेळी स्वयंपाकघरातील कमालीची अस्वच्छता, किड्यांचा मोठ्या प्रमाणावरील प्रादुर्भाव तसेच काही ठिकाणी कृत्रिम रंग आणि अतिरिक्त मोनोसोडियम ग्लुटामेटचा (एमएसजी) वापर होत असल्याचे तपासणीत निदर्शनास आल्याने परवाने निलंबित करण्यात आले असल्याचे एफडीएकडून स्पष्ट करण्यात आले. .