దిశ, వెబ్డెస్క్: కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారి ఆలయంలో భక్తుల రద్దీ కొనసాగుతోంది. టోకెన్లు లేని సర్వదర్శనానికి సుమారు 8 గంటల సమయం పడుతోందని తిరుమల తిరుపతి దేవస్థానం (TTD) అధికారులు వెల్లడించారు. ప్రస్తుతం శ్రీవారి సర్వదర్శనం కోసం 31 కంపార్టుమెంట్లలో భక్తులు వేచి ఉన్నారు. క్యూలైన్లలో ఉన్న భక్తులకు ఎలాంటి అసౌకర్యం కలగకుండా టీటీడీ సిబ్బంది ఎప్పటికప్పుడు పాలు, తాగునీరు, అన్నప్రసాదాలను అందిస్తున్నారు. శనివారం స్వామి వారిని మొత్తం 84,014 మంది భక్తులు దర్శించుకున్నారు. అందులో 30,116 మంది భక్తులు స్వామివారికి తలనీలాలు సమర్పించి మొక్కులు చెల్లించుకున్నారు.