रझा मुराद यांचे वडील हामिद अली मुराद हे प्रसिद्ध चित्रपट ‘मुघल-ए-आझम’मध्ये झळकले होते. या चित्रपटात त्यांनी राजा मानसिंग यांची भूमिका साकारली होती. त्यामुळे रझा मुराद यांच्यासाठी हा चित्रपट केवळ एक कलाकृती नसून त्यांच्या कुटुंबाच्या चित्रपट प्रवासाचाही महत्त्वाचा भाग आहे. बॉलिवूडचे ज्येष्ठ अभिनेते रझा मुराद यांनी नुकत्याच दिलेल्या एका मुलाखतीत हिंदी चित्रपटसृष्टीतील अनेक जुन्या आठवणींना उजाळा दिला. विशेषतः ऐतिहासिक चित्रपट ‘मुघल-ए-आझम’शी संबंधित काही रंजक किस्से त्यांनी सांगितले.