పాప పుట్టిందని సంతోషపడ్డ ఆ దంపతులు ఆనందం ఆవిరైంది. పాప శ్వాస తీసుకోవడంలో ఇబ్బందులు చూసి ఆందోళన చెందారు. భీమదేవరపల్లి, ఎల్కతుర్తి, న్యూస్టుడే: పాప పుట్టిందని సంతోషపడ్డ ఆ దంపతులు ఆనందం ఆవిరైంది. పుట్టినప్పటి నుంచి ఇప్పటి వరకు చికిత్స అందించేందుకు రూ.8 లక్షలకుపైగా ఖర్చు చేశారు. రూ.4 లక్షలకుపైగా అప్పులతో సతమతమవుతూ బిడ్డకు మందులు కొనలేక ఇబ్బంది పడుతోంది ఓ నిరుపేద కుటుంబం. ఎల్కతుర్తి మండలం వేల్పుల మహేశ్-వరలక్ష్మికి ముగ్గురు పిల్లలు రుత్విక్, రిషిక, ఏడు నెలల బాబు ఉన్నారు. రిషిక పుట్టినప్పటి నుంచి నిల్చోలేదు, నడవలేదు, వెన్నెముక, నరాల బలహీనతతో మంచానికే పరిమితమైంది.