హాకీ మన జాతీయ క్రీడ. ఇతర ఆటలతో పాటు బాలబాలికలు ఈ క్రీడపై ఆసక్తి కనబరుస్తున్నా.. ఉమ్మడి జిల్లావ్యాప్తంగా సరైన వసతులు అందుబాటులో లేవు. వరంగల్ క్రీడావిభాగం, న్యూస్టుడే: హాకీ మన జాతీయ క్రీడ. ముఖ్యంగా హాకీ మైదానాలు లేకపోవడంతో క్రీడాకారులు ఇబ్బంది పడుతున్నారు. ఉమ్మడి జిల్లా వ్యాప్తంగా హాకీ క్రీడ ఎంపిక ప్రక్రియకే పరిమితం అవుతోంది. సరైన శిక్షణ, మౌలిక వసతులు లేకపోవడంతో యువత హాకీకి దూరమవుతున్నారు. ప్రభుత్వం ఉమ్మడి జిల్లాలో హాకీ మైదానాలు ఏర్పాటు చేసి క్రీడాకారులకు శిక్షణ ఇస్తే జాతీయ, అంతర్జాతీయ స్థాయి క్రీడాకారులు తయారయ్యే అవకాశం ఉందని క్రీడారంగ నిపుణులు అభిప్రాయపడుతున్నారు.