వరంగల్, హనుమకొండ నగరాల్లో అపార్టుమెంట్, వాణిజ్య భవనాలు, షాపింగ్ మాల్స్ తదితర పెద్ద భవనాల నిర్మాణాలు నిబంధనల ప్రకారం చేపట్టాలి. గ్రేటర్ వరంగల్ జారీ చేసిన నక్షా(ప్లాన్) ప్రకారం భవన నిర్మాణం ఉండాలి. డీవియేషన్లు, సెట్బ్యాక్ తదితర నిబంధనలు పాటిస్తేనే ఆక్యుపెన్సీ సర్టిఫికెట్(ఓసీ) జారీ చేస్తాం. వరంగల్ కార్పొరేషన్, న్యూస్టుడే: వరంగల్ నగరంలో పెద్ద భవనాల ఆక్యుపెన్సీ సర్టిఫికెట్(ఓసీలు) జారీ దస్త్రాలు చకాచకా కదులుతున్నాయి. గ్రేటర్ వరంగల్ టౌన్ప్లానింగ్ అధికారులు నానా హంగామా చేస్తున్నారు. గతంలో ఎన్నాడూలేని విధంగా వరంగల్, హనుమకొండ నగరాల్లో ఓసీల ఫైళ్లు వేగంగా పరిష్కరిస్తున్నారు. రెండు, మూడు నెలల్లో వందకు పైనే సర్టిఫికెట్స్ జారీ చేసేశారు.