वॉशिंग्टन : खगोलशास्त्राच्या इतिहासात पहिल्यांदाच दोन तारे, एक महाकाय तारा (सुपरजाएंट) आणि सूर्यापेक्षा किंचित लहान तारा, एकमेकांत विलीन होताना थेट टिपण्यात आले. हजारो वर्षे एकमेकांभोवती प्रदक्षिणा घातल्यानंतर, ही जोडी अवघ्या सात वर्षांपेक्षा कमी काळात एकत्र आली. हा कालावधी इतका अल्प होता की, संशोधकांना हा संपूर्ण नाट्यमय घटनाक्रम सुरुवातीपासून शेवटपर्यंत पाहता आला. या महत्त्वपूर्ण शोधाची माहिती ‘नेचर’ या नियतकालिकात १८ नोव्हेंबर रोजी प्रसिद्ध झालेल्या एका अभ्यासात देण्यात आली आहे..