सोलापूर : रेल्वे स्थानक, प्लॅटफॉर्म व रेल्वे कोचमध्ये विनापरवाना वस्तू विक्री करणारे फेरीवाले व भीक मागणाऱ्यांच्या विरोधात रेल्वे प्रशासनाकडून कठोर कारवाई केली. प्रवाशांना होणारा त्रास, स्थानक परिसरातील अस्वच्छता व अनधिकृत व्यावसायिकांचा वाढत्या वावराला आळा घालण्यासाठी नियमांची प्रभावी अंमलबजावणी करण्यावर भर दिला जाणार आहे..रेल्वेच्या कोच अथवा प्लॅटफॉर्मवर अधिकृत परवानगीशिवाय खाद्यपदार्थ, पाणी किंवा अन्य वस्तूंची विक्री करणे हा नियमभंग ठरतो. तसेच रेल्वे परिसरात भीक मागण्यासही मनाई आहे.