అందంగా కనిపించాలనే ఆశతో సోషల్ మీడియా ప్రకటనలను నమ్మి సౌందర్య ఉత్పత్తులు కొనుగోలు చేస్తున్నారా? అయితే ఈ ఘటన ప్రతి ఒక్కరినీ ఆలోచింపజేస్తోంది. ఇన్స్టాగ్రామ్ ఇన్ఫ్లుయెన్సర్ల ప్రచారాన్ని నమ్మి ఆన్లైన్లో ఫెయిర్నెస్ క్రీమ్ కొనుగోలు చేసి ఉపయోగించిన 17 ఏళ్ల బాలిక తీవ్ర అనారోగ్యానికి గురైంది. చివరకు ఆమెకు ప్రమాదకరమైన కిడ్నీ వ్యాధి ఉన్నట్లు వైద్యులు గుర్తించారు. కేరళలో చోటుచేసుకున్న ఈ ఘటన ఇప్పుడు దేశవ్యాప్తంగా కలకలం రేపుతోంది.