Atal Bihari Vajpayee Medical College Pune Fraud : पुणे महापालिकेच्या मेडिकल कॉलेजमध्ये कायमस्वरूपी प्राध्यापक पद देण्याच्या बहाण्याने 11 कंत्राटी डॉक्टरांची प्रत्येकी 10 लाख रुपयांची फसवणूक झाली आहे. पुणे : रुग्णसेवेचा पवित्र धर्म मानल्या जाणाऱ्या वैद्यकीय क्षेत्राला काळिमा फासणारा एक मोठा भरती घोटाळा पुण्यात उघडकीस आला आहे. पुणे महापालिकेच्या (PMC) भारतरत्न अटलबिहारी वाजपेयी मेडिकल कॉलेजमध्ये कायमस्वरूपी नोकरी लावून देण्याच्या बहाण्याने 11 कंत्राटी डॉक्टरांची प्रत्येकी 10 लाख रुपयांची फसवणूक करण्यात आली आहे.