స్థానిక సంస్థల ఎన్నికల్లో ఆశించిన ఫలితాలు సాధించని ఎమ్మెల్యేల పనితీరుపై సీఎం చంద్రబాబు నాయుడు అసంతృప్తి వ్యక్తం చేసినట్లు కథనం పేర్కొంటోంది. పనితీరు మార్చుకోకపోతే చర్యలు తప్పవని హెచ్చరించిన ఆయన, పంచాయతీ ఎన్నికల్లో కూటమి అభ్యర్థుల విజయానికి సమష్టిగా పనిచేయాలని సూచించారు. పరిషత్ పదవుల విషయంలో అలకలు, విభేదాలకు తావులేదని స్పష్టం చేస్తూ కూటమి నిర్ణయమే తుది నిర్ణయమని పేర్కొన్నారు. మేల్కొనకపోతే రాజకీయ భవిష్యత్ కోల్పోతారు అంటూ సీఎం చంద్రబాబు నాయుడు పలువురికి స్ట్రాంగ్ వార్నింగ్ ఇచ్చారు. ఫలితాలపై పూర్తిస్థాయి సమీక్ష తర్వాత యాక్షన్ తప్పదన్నారు. ఆయా ఎమ్మెల్యేలు తమ పనితీరును మార్చుకోవాలని హెచ్చరించారు.