முத்துக்குமரன் மீது குற்றம் சாட்டியிருந்த பெண் சென்னை காவல் ஆணையர் அலுவலகத்தில் அளித்திருந்த புகாரின் பேரில் வழக்குப்பதிவு. திருமணம் செய்துக்கொள்வதாக ஆசைக்காட்டி ஏமாற்றியதாக பெண் ஒருவர் அளித்த புகாரின்பேரில் பிக் பாஸ் புகழ் முத்துக்குமரன் மீது வழக்குப்பதிவு செய்யப்பட்டுள்ளது. பிக்பாஸ் நிகழ்ச்சியின் மூலம் புகழ்பெற்றவரான முத்துக்குமரன், தன்னிடம் முதலில் நட்பாக பழகி பின்னர் திருமணம் செய்துக்கொள்வதாக ஆசைவார்த்தை கூறி உறவு வைத்துக்கொண்டு ஏமாற்றியதாக பெண் ஒருவர் சமூக ஊடகங்களில் பதிவிட்டிருந்தார். இந்நிலையில் தன்னைப் பற்றி அவதூறு கருத்துகளைப் பரப்பியதாக கூறி அப்பெண் மீது சென்னை காவல் ஆணையர் அலுவலகத்தில் முத்துக்குமரன் புகார் அளித்திருந்தார்.