Bollywood Actor : बॉलिवूडचा प्रसिद्ध अभिनेता भाड्याच्या घरात राहत असून नुकत्याच एका मुलाखतीत त्यानं याबद्दल सांगितलं आहे. ज्येष्ठ बॉलिवूड अभिनेते अनुपम खेर गेल्या 42 वर्षांपासून इंडस्ट्रीत आहेत. त्यांनी 540 हून अधिक चित्रपटांमध्ये काम केलं आहे, पण ते आजही मुंबईत भाड्याच्या घरात राहतात. अनुपम खेर हे भारतीय चित्रपटसृष्टीतील सर्वात यशस्वी अभिनेत्यांपैकी एक आहेत, तर त्यांच्या पत्नी किरण खेर यादेखील एक ज्येष्ठ अभिनेत्री आणि खासदार आहेत. या दोघांच्या एकूण संपत्तीची इंटरनेटवर नेहमीच चर्चा होते.