बुलढाणा जिल्ह्याच्या संग्रामपूर शहरातील पळशीपुरा परिसरातील डम्पिंग ग्राउंडवर कचरा जाळल्यामुळे निघणाऱ्या धुराचा त्रास या परिसरातील नागरिकांना सहन करावा लागत आहे.. तसंच लहान मुले, ज्येष्ठ नागरिकांसह रहिवाशांना श्वसनाचा त्रास होत असल्याने संतप्त नागरिकांनी नगरपंचायत मुख्याधिकाऱ्यांना घेराव घालून कायमस्वरूपी उपाययोजनेची मागणी केली.. पळशी- झाशी रोडवरील लेंडी नदी परिसरात असलेल्या डम्पिंग ग्राउंडवर शहरातील कचरा घंटागाड्यांमधून आणून टाकला जातो. . मात्र, ओला, सुका कचरा वेगळा न करता तो जाळला जात असल्याचा आरोप नागरिकांनी केला आहे..