पनवेल : कामोठे परिसरात चोरट्यांनी धुमाकूळ घातला असून, एकाच रात्री दोन घरफोड्या करण्यासह ज्वेलर्सच्या दुकानावरही डल्ला मारल्याची घटना उघडकीस आली आहे. कामोठे सेक्. कामोठे सेक्टर ९ मधील मारुती आंगण सोसायटीतील दोन घरांना लक्ष्य केल्यानंतर चोरट्यांनी सोसायटीसमोरील रामेश्वर कॉम्प्लेक्समधील मराठा ज्वेलर्स दुकान फोडून सोन्याचे दागिने आणि रोख रक्कम चोरून नेली. या घटनांमुळे परिसरातील रहिवासी आणि व्यापाऱ्यांमध्ये भीतीचे वातावरण निर्माण झाले आहे..