दैठणा ते माळसोन्ना रोडवर ऊसतोडणी सुरू असताना विश्रांतीसाठी रस्त्याच्या बाजूला झोपलेल्या दोघांच्या अंगावरून ऊस वाहतुकीसाठी वापरल्या जाणाऱ्या हार्वेस्टिंग मशीनचे वाहन गेले. परभणी : जिल्ह्याच्या परभणी (Parbhani) तालुक्यातील पोरवड शिवारात ह्रदयद्रावक घटना घडली असून दोन सख्ख्या भावांची भीषण अपघातात (Accident) मृत्यू झाल्याने सर्वत्र हळहळ व्यक्त होत आहे. ऊसतोडणीच्या कामादरम्यान विश्रांती घेण्यासाठी आराम करत असलेल्या दोन सख्ख्या भावांचा हार्वेस्टिंग मशीनच्या वाहनाखाली येवून जागीच मृत्यू झाला. याप्रकरणी, पोलिसांनी घटनास्थळी धाव घेऊन पंचनामा केला आहे.