स्वाभिमानी शेतकरी संघटनेचे नेते, माजी खासदार राजू शेट्टी विरुद्ध आमदार जयंत पाटील यांच्यात ऊस दरावरून सुरू झालेला संघर्ष अधिक तीव्र होण्याची चिन्हे आहेत. राजारामबापू कारखान्यासमोर आंदोलन केल्याबाबत कारखाना प्रशासनाच्या तक्रारीनंतर राजू शेट्टी यांच्यासह १५० कार्यकर्त्यांवर गुन्हे दाखल करण्यात आले आहेत. राजारामबापू कारखान्याच्या काट्यावर आंदोलन झाल्यावर लाखो रुपयांचे नुकसान झाल्याचे सांगत राजू शेट्टी यांच्यासह कार्यकर्त्यांवर कारखान्याच्या सचिवांमार्फत गुन्हे दाखल केले गेले. तुमच्या पाताळयंत्री स्वभावाला यातून समाधान मिळणार असेल तर आम्ही जामीनसुध्दा घेत नाही.