Ramayana Movie : विश्व हिंदू परिषदेनं 'रामायण' सिनेमाचं प्रदर्शन थांबवण्याची मागणी केली आहे. हा सिनेमा दिशाभूल करण्याचा प्रयत्न करतोय, असं संस्थेचं म्हणणं आहे. रणबीर कपूर आणि यश यांच्या 'रामायण' चित्रपटावरून सुरू असलेला वाद वाढत चालला आहे. विश्व हिंदू परिषदेनं (VHP) चित्रपटाचं प्रदर्शन तात्काळ थांबवण्याची मागणी केली आहे. महर्षी वाल्मीकींनी लिहिलेल्या रामायणातील अनेक घटना चित्रपटात चुकीच्या पद्धतीने मांडल्या असून, त्यामुळे हिंदू भक्तांच्या भावना दुखावल्या गेल्या आहेत, असा आरोप संघटनेनं केला आहे.