అల్లూరి జిల్లా డుంబ్రిగూడ ఎంపీపీ ఎన్నిక ఉత్కంఠభరితంగా ముగిసింది. ఎంపీపీ పదవి కోసం పోటీ పడిన రెండు వర్గాలకూ ఏడుగురు చొప్పున ఎంపీటీసీల మద్దతు లభించడంతో ఎన్నిక టైగా మారింది. దీంతో అధికారులు లాటరీ నిర్వహించగా.. కూటమి బలపరిచిన కొండ్రుమ్ ఎంపీటీసీ పంచాడి మంజుల ఎంపీపీగా, అరకు ఎంపీటీసీ చెల్లమ్మ వైస్ ఎంపీపీగా ఎన్నికయ్యారు. ఎవరి బలం ఎంతో తేల్చేందుకు చివరకు అదృష్టానికే అవకాశం ఇవ్వాల్సి వచ్చింది. అల్లూరి జిల్లా డుంబ్రిగూడ మండల పరిషత్ అధ్యక్ష, ఉపాధ్యక్ష ఎన్నికలు అనూహ్య మలుపులు తిరిగాయి. రెండు వర్గాలకూ సమానంగా ఏడుగురు సభ్యుల మద్దతు లభించడంతో ఎన్నిక టైగా ముగిసింది.