బాలీవుడ్ నటులు దియా మీర్జా, నవాజుద్దీన్ సిద్ధిఖీ మధ్య వివాదం చర్చనీయాంశంగా మారింది. నవాజుద్దీన్ ప్రవర్తనపై దియా మీర్జా సోషల్ మీడియాలో తీవ్ర అసహనం వ్యక్తం చేశారు. ఆయనతో కలిసి పనిచేయడం పీడకల లాంటిదని వ్యాఖ్యానించారు. దీనిపై స్పందించిన నవాజుద్దీన్, తన యాటిట్యూడ్ గురించి కాకుండా నటనలో తప్పులు ఉంటే చూపించాలని సవాల్ విసిరారు. బాలీవుడ్లో ఎప్పుడూ కూల్గా, ఎంతో హుందాగా ఉండే నటి దియా మీర్జా ఒక్కసారిగా తన సహనం కోల్పోయింది. వెర్సటైల్ యాక్టర్ నవాజుద్దీన్ సిద్ధిఖీపై ఆమె చేసిన ఘాటు వ్యాఖ్యలు ఇప్పుడు సినీ వర్గాల్లో పెను దుమారం రేపుతున్నాయి.