రాజస్థాన్లోని జైపూర్ (Jaipur) నగరంలో జరిగిన ఒక విషాదకర ఘటన ఇప్పుడు అందరినీ కలవరపెడుతోంది. ఇంట్లోనే సరదాగా చేసుకుని తిన్న నూడుల్స్ (Noodles) ఏకంగా ఏడేళ్ల చిన్నారి ప్రాణాలను బలితీసుకోవడం స్థానికంగా తీవ్ర కలకలం రేపింది. ఈ ఘటనలో చిన్నారి మృతి చెందగా, ఆమె అక్క పరిస్థితి కూడా విషమంగా మారింది. జైపూర్లోని ఝోత్వర (Jhotwara) ప్రాంతం మంగళం సిటీలో నివసించే పీహూ కుమావత్ (7), ఆమె అక్క దివ్యాంశి గురువారం ఉదయం ఇంట్లోనే స్వయంగా నూడుల్స్ తయారు చేసుకుని తిన్నారు. మధ్యాహ్నం సుమారు 3 గంటల సమయంలో ఇంటికి తిరిగి వచ్చిన వారి తల్లి, నిద్రపోతున్న పిల్లలను లేపేందుకు ప్రయత్నించింది.