बिहार सरकारतर्फे राबविल्या जाणाऱ्या योजनांमध्ये हेराफेरी झाली आहे, अशा बातम्या आपल्यासाठी नव्या नाहीत. एवढंच काय तर मेलेल्या लोकांच्या नावावर घर मिळवणे, केंद्रीय योजनेत मंजूर झालेल्यांचे निनावी पद्धतीने पैसे लाटणे यांसारख्या गोष्टी बिहारमध्ये राजरोसपणे घडत असतात. पण आता तर चक्क बनावट पोलीस स्टेशन उघडून केंद्र आणि राज्याच्या योजना वाटपाच्या नावाखाली लोकांकडून पैसे उकळण्याचा प्रकार समोर आलाय. ही घटना घडलीय बिहारच्या बांका जिल्ह्यात.