पेडणे : पुढारी वृत्तसेवापेडणे नगरपालिकेतील १८ कामगार व कर्मचाऱ्यांचे गेल्या तीन महिन्यांपासून वेतन थकीत असल्याने त्यांच्यावर आर्थिक संकट ओढवले आहे. रस्त्यावरील. रस्त्यावरील केरकचरा उचलणे, परिसराची साफसफाई करून शहर स्वच्छ ठेवण्याची जबाबदारी पार पाडणाऱ्या या कर्मचाऱ्यांना मेहनतीचा मोबदला मिळालेला नाही. किराणा, मुलांचे शिक्षण, औषधोपचार, वीजबिल आणि बँकेच्या कर्जाचे हप्ते भरायचे कसे, असा प्रश्न त्यांच्यासमोर आहे. मासिक वेतनावर अवलंबून असलेल्या कुटुंबांचे आर्थिक गणित कोलमडले आहे.