पुण्यात थंडीचा जोर वाढला असून, किमान तापमान 11.3 अंश सेल्सिअसपर्यंत खाली आले आहे. विशेष म्हणजे, महाबळेश्वरपेक्षाही पुणे अधिक गारठले आहे. रात्री आणि पहाटेच्या वेळी शहरात तीव्र गारठा जाणवत असून, पुढील दोन दिवस अशीच थंडी कायम राहणार असल्याचा अंदाज हवामान खात्याने वर्तवला आहे. पुणे शहर आणि परिसरात थंडीचा जोर लक्षणीयरीत्या वाढला आहे. किमान तापमानात मोठी घट झाल्याचे दिसून येत आहे. शुक्रवारी पुण्यातील किमान तापमानाचा पारा 11.3 अंश सेल्सिअसपर्यंत खाली उतरला.