మానవులతో మూగజీవాల బంధం విడదీయలేదని మరోసారి నిరూపించిన సంఘటన ఇది.. సాధారణంగా మనుషుల అలికిడి వింటేనే ఉడతలు చెట్లపైకి పరుగులు తీస్తుంటాయి. కానీ యాదాద్రి జిల్లా మోత్కూరులో ఓ ఉడత పిల్ల మాత్రం ముగ్గురు చిన్నారుల వెంట నీడలా తిరుగుతోంది. రెండు నెలల క్రితం ప్రాణాపాయ స్థితిలో ఉన్న ఆ ఉడత పిల్లను రక్షించిన అక్కాచెల్లెళ్ల ప్రేమకు అది ముగ్దురాలైపోయింది. అప్పటి నుంచి వారు ఎక్కడికి వెళ్తే అక్కడికి వెళ్తూ వారి వెంటే ఉంటూ తన కృతజ్ఞతను చాటుకుంటోంది.