ఏయూ ప్రాంగణం, న్యూస్టుడే: చదువుకునే సమయంలోనే ఆవిష్కరణకు నాంది పలికారు ఏయూ విద్యార్థులు.. గ్రంథాలయాల్లోని సమస్యలకు వినూత్న పరిష్కారమార్గాన్ని కనుగొన్నారు. వీరు ఆంధ్రవిశ్వవిద్యాలయం ఇంజినీరింగ్ కళాశాలలో ఎలక్ట్రికల్ ఇంజినీరింగ్ తృతీయ సంవత్సరం చదువుతున్నారు. ఈ ఆవిష్కరణకు ‘స్మార్ట్ లైబ్రరీ’ అనే పేరు పెట్టారు. గ్రంథాలయాలకు వెళ్లినప్పుడు అవసరమైన పుస్తకం ఎక్కడ ఉందో తెలియక విద్యార్థులు, ఆచార్యులు ఇబ్బందులు పడటాన్ని విద్యార్థులు జస్వంత్, సాగర్, యోషిక్, మనోహర్, రేవంత్, రవి గుర్తించారు. తమ ఆలోచనను విభాగాధిపతి ఆచార్య టి.ఆర్.జ్యోత్స్న, ఆచార్య రమాసుధ, ఆచార్య బి.ఆర్.అమరేంద్రరెడ్డికి తెలిపారు.