అనకాపల్లి జిల్లా పరిషత్ తొలి పాలకవర్గం కొలువుదీరింది. జిల్లాలోని అన్ని జడ్పీటీసీ స్థానాలను కూటమి ఇప్పటికే కైవసం చేసుకోవడంతో శుక్రవారం చైర్పర్సన్, వైస్చైర్పర్సన్ ఎన్నిక లాంఛనంగా జరిగింది. కలెక్టర్, జిల్లా ఎన్నికల అధికారి విజయకృష్ణన్ శుక్రవారం ఇక్కడి జడ్పీ కార్యాలయంలో నిర్వహించిన ప్రత్యేక సమావేశంలో జిల్లా పరిషత్ చైర్పర్సన్గా జనసేన పార్టీకి చెందిన పరవాడ జడ్పీటీసీ సభ్యురాలు మోటూరు నాగమణి, వైస్ చైర్పర్సన్గా తెలుగుదేశం పార్టీకి చెందిన మునగపాక జడ్పీటీసీ సభ్యురాలు పెంటకోట స్వాతిలను జిల్లాలోని జడ్పీటీసీ సభ్యులంతా ఏకగ్రీవంగా ఎన్నుకున్నారు.