పుట్టెడు కష్టాలు... అంతులేని కన్నీళ్లు... కనీసం తన కాళ్లపై తాను నిలబడలేని దయనీయ స్థితి. అడుగు బయటపెట్టాలన్నా ఇతరుల చేయూత తప్పనిసరి. ఇటువంటి దీనస్థితిలో ఎవరైనా కంటపడితే అయ్యోపాపం అనిపిస్తుంది. కానీ యంత్రాంగం మాత్రం ఇప్పటివరకూ ఆమెను గుర్తించకపోవడం గమనార్హం. పూడిమడకకు చెందిన మేరుగు రాజమ్మ చినప్పుడే పోలియో బారినపడింది. పేదరికం వెంటాడిన తల్లిదండ్రులు రాజమ్మను సాకి పెద్దగా చేశారు. కాళ్లు లేకపోయినా కడుపులో పెట్టి పెంచిన తల్లిదండ్రుల తర్వాతికాలంలో వయోభారంతో దూరమైనా, రాజమ్మ మనోధైర్యాన్ని ఏరోజూ కోల్పోలేదు. 15ఏళ్లగా మూడు చక్రాలు కుర్చీ అందివ్వాలని అధికారుల చుట్టూ తిరుగుతున్నా కనీసం పట్టించుకోలేదు.