సైబరాబాద్ తరహాలో విశాఖపట్నానికి అనుబంధంగా విశాఖ బే-టెక్ సిటీని అభివృద్ధి చేయాలని ముఖ్యమంత్రి చంద్రబాబు ఆదేశించారు. సూర్యలంక, గండికోట పర్యాటకాభివృద్ధికి సమగ్ర మాస్టర్ ప్లాన్ విశాఖ, తిరుపతి, అమరావతి ఎకనమిక్ రీజియన్ల సమీక్షలో సీఎం చంద్రబాబు. ఈనాడు, అమరావతి: సైబరాబాద్ తరహాలో విశాఖపట్నానికి అనుబంధంగా విశాఖ బే-టెక్ సిటీని అభివృద్ధి చేయాలని ముఖ్యమంత్రి చంద్రబాబు ఆదేశించారు. విశాఖపట్నం ఎకనమిక్ రీజియన్ (వీఈఆర్) ప్రణాళికలో భాగంగా యాంకర్ ప్రాజెక్టుగా అభివృద్ధి చేస్తున్న ప్రాంతానికి విశాఖ బే-టెక్ సిటీగా పేరును ముఖ్యమంత్రి ఖరారు చేశారు. విశాఖపట్నం, తిరుపతి, అమరావతి ఆర్థిక ప్రాంతాలపై అధికారులు రూపొందించిన ప్రణాళికలపై క్యాంపు కార్యాలయంలో ముఖ్యమంత్రి గురువారం సమీక్షించారు.