भारतात जागतिक दर्जाचे सागरी तंत्रज्ञान आणण्याचा फडणवीस सरकारचा प्रयत्न असून शाश्वत जलवाहतुकीमध्ये महाराष्ट्राला अव्वल स्थानावर नेण्याचा प्रयत्न असल्याचे मुख्यमंत्री देवेंद्र फडणवीस यांनी म्हटले आहे. मुंबई आणि कोकणला लाभलेल्या किनारपट्टीमुळे आता मुंबई ते कोकण, अलिबाग आणि रायगड असा प्रदुषणमुक्त जलप्रवास आता शक्य होणार आहे. डिझेल बोटींच्यावरील अवलंबित्व कमी करण्यासाठी इलेक्ट्रीक बोटींचा पर्याय चाचपडून पाहण्यात येणार होता. मात्र, आता इलेक्ट्रीक बोटींपेक्षाही भारतीय पहिल्या १०० इलेक्ट्रीक हायड्रोफॉईल बोटीची चाचणी यशस्वी झाली आहे.