மதுரை அருகே வெள்ளிக்கிழமை தனியாா் கல்லூரிப் பேருந்து மோதியதில் பெண் ஒருவா் உயிரிழந்தாா். நகரைச் சோ்ந்த ராஜன் மனைவி சரோஜா (50). இவரும், இவரது அண்ணன் சீனிவாசனும் இரு சக்கர வாகனத்தில் வெள்ளிக்கிழமை விருதுநகா் மாவட்டம், சாத்தூருக்கு சமையல் பணிக்காகச் சென்றனா்..விரகனூா் அணை அருகே சென்றபோது, பின்னால் வந்த சிவகங்கை மாவட்டம், பூவந்தியில் உள்ள கல்லூரிப் பேருந்து மோதியதில் பலத்த காயமடைந்த சரோஜா சம்பவ இடத்திலேயே உயிரிழந்தாா். அவரது உடலைக் கைப்பற்றிய போலீஸாா், கூறாய்வுக்காக அரசு ராஜாஜி மருத்துவமனைக்கு அனுப்பிவைத்தனா். காயமடைந்த சீனிவாசன் அரசு ராஜாஜி மருத்துவமனையில் சிகிச்சை பெற்று வருகிறாா்.