चौथ्या आणि सहाव्या मार्गिकेवरील गाड्या पाऊण तास खोळंबल्या; भुवनेश्वर एक्स्प्रेस तासभर अडकली, घरी परतणाऱ्या चाकरमान्यांचे हाल. लोकमत न्यूज नेटवर्कमुंबई : कामावरून घरी परतण्याच्या वेळेतच मध्य रेल्वेची वाहतूक विस्कळीत झाल्याने शुक्रवारी रात्री प्रवाशांचे अतोनात हाल झाले. भांडुप आणि कांजूरमार्ग स्थानकांदरम्यान रेल्वे मार्गात बिघाड झाल्याने चौथ्या आणि सहाव्या मार्गिकेवरील गाड्या जवळपास पाऊण तास एकाच ठिकाणी खोळंबल्या. गाड्या पुढे सरकत नसल्याने अनेक प्रवाशांनी अखेर रेल्वे रुळांवरून पायपीट करत पुढचा प्रवास करण्याचा निर्णय घेतला.