भाजप आणि संघाविरोधात आवाज उठवणाऱ्यांचे सोशल मीडियावरील अकाऊंट बंद केल्याने या कारवाईचा निषेध करण्यासाठी काँग्रेस कार्यकर्त्यांनी केंद्रीय मंत्री अश्विनी वैष्णव यांचे पोस्टर जाळले आहे. भाजपा आणि राष्ट्रीय स्वयंसेवक संघाविरोधात आवाज उठवणाऱ्यांची सोशल मीडियाची खाती बंद केल्याच्या विरोधात युवक काँग्रेसने आज जोरदार आंदोलन केले आहे. सोशल मीडिया खाती निलंबित करुन केंद्र सरकार लोकशाहीवादी आवाज दडपण्याचा प्रयत्न करत आहे. याच्या निषेधार्थ मुंबई युवक काँग्रेसने बीकेसी येथील वर्ल्ड वनमधील META कार्यालयाबाहेर जोरदार आंदोलन केले.